«Рәнагүл» атты спектальге барып келді
Жас жеткіншектердің сабақтан тыс уақытта, бір мезгіл, өзінің жан-жақты дамуына да, болашағына да пайдалы саналатын көпшілік шараларға барып, қатысып, мәдениет, өнер, спорт әлемі сыйқырларынан өзіндік рухани азық алуларына қолдау көрсету – ата-аналардың да, педагог қауымының да басты парыздарының бірі болса керек...
Театр – балалар үшін рухани өсуге, әдемілік пен әдептілікке тәрбиелейтін бірден-бір эстетикалық өнер ордасы. Өресі биік өнер де, көрерменге көрікті ой салар өнер де - осы, театр! М. Хамраев атындағы №150 ЖББ мектептің 1-4 – сынып оқушылары Қ. Құжамьяров атындағы Мемлекеттік Республикалық академиялық ұйғыр музыкалық комедия театрында Г.Х.Андерсеннің «Дюймовочка» ертегісі бойынша қойылған «Рәнагүл» атты спектальге барып келді. Спектакльдың жоғарғы дәрежеде өтуі – оқушыларымыздың сахнадан көз алмай, үлкен қызығушылықпен қарап отыруынан-ақ белгілі болды десек қателеспейміз. Спектакльдың соңында оқушылар ертегі кейіпкерлерімен бірге би билеп, керемет көңіл күймен қайтты.