Қыз бала гигиенасы

М. Хамраев атындағы №150 ЖББ мектебінде 8-11-сынып оқушыларына № 23 қалалық емхана гинекологы Р.Р Абдурасулова, психолог Б.Б.Жумаханова, әлеуметтік педагог Л.К. Саламбаевалармен қыз бала гигиенасы бойынша кездесу өткізілді. Оқушыларға қыз бала гигиенасы және жүктіліктің алдын алу, қыз баланың жыныстық жетілуі жіне гигиенасы бойынша ақпарат берілді.
Келеңсіз жайттардың алдын алу үшін балаларымызға жыныстық тәрбиені 12 жастан бастап жүйелі, сауатты түрде жүргізуіміз керек. Негізінен ата-ананың міндеті баласының әр нәрсеге қызығушылығын қадағалап, дұрыс бағыт беріп отыру.
Егер біз қоғам болып ұлт болашағын ойласақ, қыз бала денсаулығы мен тәрбиесіне аса мұқият болғанымыз жөн. Қыз балаға ерекше күтім, дұрыс тәрбие қажет. Бүгінгі жасөспірім қыз – ертеңгі ана. Желкілдеп өсіп келе жатқан жасөспірімдерге отбасында, білім ошақтарында жыныстық тәрбиені дұрыс беріп отырсақ, біраз мәселелердің алдын алған болар едік.