Полиция капитаны Аблайхан Бейсенбайұлы Бапановпен кездесу болып өтті
Алатау ауданы М.Хамраев атындағы №150 мектебінде 2021 жылдың 12 мамырында 9, 11-сынып оқушылары арасында Алатау аудандық полиция басқармасының ювеналдық полиция бөлімінің инспекторы полиция капитаны Аблайхан Бейсенбайұлы Бапановпен кездесу болып өтті. Кездесу барысында қылмыстың алдын алу мақсатында, Қылмыстық жауапкершіліктің түрлерімен таныстырып, баланың бұрыс жолға түспеуі керек екендігі туралы айтылып, жасөспірімдерді қылмыстық әрекететтерден бойларын аулақ ұстауға шақырды.
Қылмыс жасаған жағдайда азаматтарға берілетін жазалар туралы, құықықтың барлық салаларын құрметтей отырып, заң алдында барлық азаматтардың теңдігі, ешкімнің ар – намысына тимеуге және балағаттауға, бөтеннің мүлкіне қол сұқпауға, сонымен бірге оқушыларға құқық бұзушылықтың алдын алуға, құқық бұзғаны үшін кінәлі азаматтардың заң бойынша жауапқа тартылатындығы туралы түсіндірілді
Кездесу барысында түрлі қылмыстар жасап түзету мекемелерінде отырған жөс өспірімдердің өмірі жайлы айтылды. Сонымен қатар оқушылар өздерін толғандырған сұрақтарын қойып, жауаптарын алды.