Өрт сөндіру бөлімінің "Ашық есік" күні

Алатау аудандық  өрт сөндіру бөлімінің "Ашық есік" күнін өткізуіне орай мектебіміздің 10- сынып оқушылары өрт сөндіру бөлімін көріп қайтты. Оқушыларды бөлім қызметкері күтіп алып түсіндіру жұмыстарын жүргізді. Мектеп оқушылары арнайы өрт техникаларымен және авариялық-құтқару жарақтарымен таныстырылды. Оқушылар күн сайын өз өмірін қатерге тігіп адамдар мен тұрғын үйлерді оттан, төтенше жағдайлардан құтқарып жүрген өрт сөндірушілер мен құтқарушылардың жұмысымен танысуға мүмкіндік алды. Қатысушылар белсенділік танытып, сұрақтарын қойып, қызығушылық білдірді.