«Оқушылардың оқу, іздену қызығушылығын арттыруда үй тапсырмасының маңыздылығы» тақырыбында семинар өткізілді.
03 қараша күні М.Хамраев атындағы №150 жалпы білім беретін мектепте тәжірибелі ұстаз, филология ғылымдарының кандидаты,педагог-шебер Хамраев Хакимжан Мерванович тарапынан мектебіміздің жас мамандарына «Оқушылардың оқу, іздену қызығушылығын арттыруда үй тапсырмасының маңыздылығы» тақырыбында семинар өткізілді.
Семинар барысында Хамраев Хакимжан Мерванович үй тапсырмасының маңыздылығын түсіндірді. Жас мамандар берілген мәселелер бойынша кластер жасап, өз көзқарастарын білдіре отырып, белсенді түрде қатысты. Жұмыстың нәтижесі ретінде семинар қатысушылары білім сапасын жоғарлатудағы, балалар ұжымын қалыптастырудағы үй жұмысының маңыздылығын ашу, анықтау бойынша өз ойларын ортаға салып, жүйелі пікірлерін тұжырымдаулары болды. Семинарға қатысқан жас мамандар көптеген жаңалықтар мен әдіс-тәсілдерді үйренді. Рефлексия барысында семинар қатысушылары өткізілген сабақтың барысына баға бере отырып, Хакимжан Мервановичке өз алғыстарын білдірді.