20-қазан күні қалалық сенбілік өткізілді. Сенбілік мектеп директорының тілек сөздерімен басталды. Мектеп әкімшілігі мен мектеп ұстаздары белсенді түрде сенбілікке қатысып, оқушыларға үлгі бола білді.        

20-қазан күні 1-11 сынып оқушыларының арасында «Алтын күз» мерекесі аталынып өтті. Мерекеде «Күз Ханзадасы мен Ханшайымы» атағына иеленуге бастауыш сынып, 5-8 сынып оқушылары және 9 - 11 сынып оқушылары сайысқа түсті. Сайыс барысында қатысушылар өздерін таныстырып, әр түрлі табиғи материалдардан дайындалған сәнді киімдер үлгісін көрсетіп, түрлі жемістер мен көкөністерден көркем безендіріліп дайындалған күзгі мерекелік дастарханды дайындап, өнерлерін паш етті.          

Алатау ауданының 10 жылдығына орай мектебіміз де өз үлесін қосып, жоспар құрылып, іс – шаралар өткізілді. Атап айтсақ: балаларымыздың өз қолынан шыққан көрмелер, фотосурет көрмесі ұйымдастырылды. "Көркейе бер ауданым" атты мерекелік іс-шара аталып өтілді. Іс шараны 8 сынып оқушылары жəне сынып жетекшілері ұйымдастырды.        

Рухани-адамгершілікке тәрбиелеу бағыты бойынша Қазан айының 5-і күні «Ұстаздар күніне» арналған «Ұстазыма мың алғыс» мерекелік бағдарламасы әзірленіп, мұғалімдерге арналған қарсы алу салтанаты мен негізгі мерекелік концерт ұйымдастырылды. Негізгі мерекелік бағдарлама барысында мектеп директоры мұғалімдерді кәсіби мерекесімен құттықтап, ұстаздар арнайы грамоталармен марапатталынды.        

        1-қазан Халықаралық «Қарттар күніне орай»  2-11 сынып оқушыларымен «Қариясы бар үйдің – қазынасы бар» тақырыбымен тәрбие сағаттары өткізілді.